MILLIY DINLARNING MADANIY O‘ZLIKNI SHAKLLANTIRISHDAGI O‘RNI

Abstract

Milliy dinlar har bir xalqning madaniy merosida markaziy o‘rin egallaydi va ularning jamiyatning madaniy o‘zligini shakllantirishdagi ahamiyati katta. Ushbu maqolada milliy dinlarning o‘zlikni anglash, qadriyatlar tizimi va ijtimoiy xotiraning shakllanishiga ko‘rsatgan roli tahlil qilinadi. Globalizatsiya davrida milliy dinlarning madaniy o‘zlikni saqlash va mustahkamlashdagi funksiyasi yanada muhim bo‘lib bormoqda. Mavjud ilmiy adabiyotlarda ushbu mavzu yuzasidan umumiy yondashuvlar mavjud bo‘lsa-da, ayrim jamiyatlar doirasida milliy dinlarning konkret ta’siri yetarlicha o‘rganilmagan.Tadqiqotda tarixiy-madaniy tahlil, kontent tahlili va taqqoslash metodlaridan foydalanildi. O‘zbek jamiyati misolida milliy diniy an’analar, urf-odatlar va ularning zamonaviy madaniyatdagi aks sado topishi o‘rganildi.Tadqiqot natijalari milliy dinlarning ijtimoiy birlik, tarixiy xotira va axloqiy me’yorlarni shakllantirishdagi rolini tasdiqlaydi. Bu esa milliy madaniyatning uzviyligini ta’minlashda muhim omil sifatida xizmat qiladi.